Мэдээлэл

ЭССЭ БИЧЛЭГИЙН УРАЛДААНЫ ЯЛАГЧИД ШАГНАЛАА ГАРДЛАА

10 дугаар сарын 23-ны өдөр буюу Монгол Эм Импэкс Концерны түүх 95 жилийн ойн өдөр бид эм зүйн чиглэлээр суралцдаг оюутан залуусын дунд зохион байгуулсан “Эм зүйн салбарт миний оролцоо” сэдэвт эссэ бичлэгийн уралдааны ялагчдыг тодруулж шагнал гардууллаа.

БАЯРЫН МЭНДЧИЛГЭЭ

10-р сарын 23-ны өдөр Монголын эм хангамжийн салбарын ууган байгууллага Монгол Эм Импэкс Концерны үүсгэн байгуулагдсан ойн баяр тохиодог билээ. Энэ жил бид түүхт 95 жилийн ойн баяраа тэмдэглэж байна.

МОНГОЛ ЭМ ИМПЭКС КОНЦЕРН ЭМЧ МЭРГЭЖИЛТНҮҮДЭД СУРГАЛТ ЗОХИОН БАЙГУУЛЛАА

Монгол Эм Импэкс Концерн гастроэнтерологийн эмч мэргэжилтнүүдэд “Вирүсийн бус шалтгаант элэгний эмгэгүүд” сэдэвт сургалтыг зохион байгууллаа. Энэхүү сургалт нь жил бүр уламжлал болон зохион байгуулагддаг бөгөөд энэ жил Монгол Эм Импэкс Концерн үүсгэн байгуулагдсаны түүхт 95 жилийн хүрээнд зохион байгуулагдаж байгаагаараа онцлогтой юм. Сургалтанд Монгол Эм Импэкс Концерны урилгаар Казакстан улсын гастроэнтерологийн эмч, доктор  Есмембетов Кахарман Избасарович хүрэлцэн ирж Монголын эмч мэргэжилтнүүдэд орчин үеийн эмчилгээний чиг хандлагын талаар мэдээлэл өгч, харинлцан туршлага солилцсон юм.

This slideshow requires JavaScript.

 

МОНГОЛ ЭМ ИМПЭКС КОНЦЕРН ЭМЧИЛГЭЭНД ШААРДЛАГАТАЙ NOVOPEN ТАРИУРЫГ ЭХЭМҮТ-Д ГАРДУУЛЛАА

Монгол Эм Импэкс Концерн чихрийн шижин өвчинтэй хүүхдүүдийн эмчилгээнд чухал шаардлагатай 95 ширхэг NovoPen тариурыг ЭХЭМҮТ-д хандивлалаа. Энэхүү арга хэмжээг үүсгэн байгуулагдсан 95 жилийн ойн хүрээнд зохион байгуулж байгаа бөгөөд эмч, өвчтнүүд, тэдний ар гэрийнхэн Монгол Эм Импэкс Концернд талархаж байгаагаа илэрхийлж байлаа.

МОНГОЛ ЭМ ИМПЭКС КОНЦЕРНЫ УЛААНБААТАР ХОТЫН САЛБАРЫН ЭМ ЗҮЙЧИД НИЙГМИЙН ХАРИУЦЛАГАА ХЭРЭГЖҮҮЛЛЭЭ

Монгол Эм Импэкс Концерны Улаанбаатар хотын салбар эмийн сангийн эм зүйчид байгууллагынхаа түүхт 95 жилийн ойн хүрээнд өөрсдийн санаачилга, зардлаар “Ачлалт хүүхдүүд” ТББ асрамжийн газарт зочилж тус төвийн асаргаанд байгаа өндөр настан, хүүхдүүдэд шаардлагатай эрүүл мэндийн бүтээгдэхүүнүүдийг хандивлан тэдэнд сэтгэлийн дэм хайрлаж нэг өдрийг хамт өнгөрөөлөө.

МОНГОЛ ЭМ ИМПЭКС КОНЦЕРНЫ 95 ЖИЛИЙН ОЙН БАЯРЫН ХУРАЛ БОЛЛОО

Монгол Эм Импэкс Концерны үүсгэн байгуулагдсны түүх 95 жилийн ойн баярын хурал өнгөрөгч 9 дүгээр сарын 27-ны өдөр УДЭТ-т амжилттай болж өнгөрлөө.

МОНГОЛ ЭМ ИМПЭКС КОНЦЕРН ХСҮТ-Р ҮЙЛЧЛҮҮЛЭГЧДЭД ЗОРИУЛАН 2 ӨРӨӨГ ИЖ БҮРЭН ТОХИЖУУЛЖ ӨГЛӨӨ

Монгол Эм Импэкс Концерн үүсгэн байгуулагдсан түүхт 95 жилийн ойн хүрээнд сайн үйлсийн аян өрнүүлж ХСҮТөвийн Химийн эмчилгээний тасагт эмч, ажиллагсад, эмчлүүлэгчдэд зориулан амарч ажиллахад тав тухтай нөхцлийг бүрдүүлсэн 2 өрөөг иж бүрэн тохижуулан хүлээлгэн өглөө.

Монгол Эм Импэкс Концерн хавдрын өвчний дэвшилтэт эмчилгээг Монголд нэвтрүүллээ

Монгол Эм Импэкс Концерн эмийн үйлдвэрлэлээрээ дэлхийд тэргүүлэгч АНУ-ын Mylan /Майлан/ компанитай хамтран хавдрын өвчний үед тэр дундаа ходоод, хөхний хорт хавдрын үед  хэрэглэгдэх орчин үеийн анагаах ухааны ололтыг шингээсэн дэвшилтэт Хертраз бүтээгдэхүүнийг Монголд нэвтрүүллээ. Ингэснээр ходоод, хөхний хорт хавдар хүндрэл, өвчний даамжирлыг бууруулах таатай нөхцөл бүрдэж байгаа юм.

ЧИХРИЙН ШИЖИНГИЙН ШАЛТГААНТ ХӨЛНИЙ ШАРХНЫ ДЭВШИЛТЭТ ЭМЧИЛГЭЭ МОНГОЛД НЭВТЭРЛЭЭ

Монгол Эм Импэкс Концерн нийгмийн хариуцлагынхаа хүрээнд чихрийн шижин өвчин, түүнээс үүдэлтэй хүндрэлийг бууруулах зорилгоор орчин үеийн анагаахын шинжлэх ухааны ололт, дэвшил бүхий эмчилгээг Монголд нэвтрүүллээ. Ингэснээр чихрийн шижин өвчний шалтгаант хөлний шархны хүндрэлийг эмчлэх эмчилгээнд томоохон дэвшил болж байгаа төдийгүй цаашлаад төр, хувийн хэвшлийн эрүүл мэндийн байгууллагууд хамтарч чихрийн шинжин өвчний эмчилгээний цогц менежментийг нэвтрүүлэх боломж бүрдэж байна.

Монгол Эм Импэкс Концерн хүндэт өргөмжлөлөөр шагнагдав

Өнгөрөгч 7 хоногт Монголын Гастроэнтеролгийн Холбооноос жил бүр зохион байгуулдаг “Хоол боловсруулах эрхтэн судлалын долоо хоног” амжилттай болж өндөрлөлөө.